東網電視
更多新聞短片
睇張圖就知中大書院嘅勢力分布係點啦！(CUHK Secrets fb/設計圖片)
香港每間大學各具特色，但問起邊間風景最靚？我諗中大唔係排第一，都起碼排第二啦。雖然中大風景如畫，但佔地範圍極廣，入到去隨時蕩失路，最近網上就流傳一張「中大各書院地理位置》(正解)，又名「唐末藩鎮割據圖」(大誤)，以圖說明中大9間書院的位置，只要細心分析，無論你係中大師生、老鬼，定只係路人甲乙丙，各間書院的勢力分布、歷史淵源，都可一見端倪。
據該幅「唐末藩鎮割據圖」(繼續大誤)，歷史較耐的4間書院祟基、新亞、聯合及逸夫，版圖明顯較其他新書院大，其餘5間書院善衡、晨興、宜孫、和聲及敬文，就散落在中大各處，明顯未成氣候。一張咁簡單嘅圖，學識淵博的網民，都可以由歷史、醫學、經濟等角度分析，真係要寫個服字！
先講歷史角度，有網民認為不應形容為唐末藩鎮割據圖，反而用春秋戰國諸侯圖會更準確，中大的本部為周，以烽火台作鼎、崇基稱南楚、晨興善衡為吳越、新亞為齊魯、聯合宜孫和聲為中晉三家、逸夫則西秦，敬文則為位處邊陲的燕國，有人就直言「得祟基者，得天下！」
由醫學方面睇，既可以睇成「有啲似大腦、小腦、腦幹嘅結構圖」，亦可解讀成聯合、新亞是子宮，其他書院是腎臟、肝臟。有其他網友就亂入廣告，話中大宿舍唔單止港鐵沿線，15分鐘直到市區，仲要酒店式管理，裝修走「現代唯美建築、空中花園」風格，方向都好正，有向吐露港，亦有園景套房。
不少好學嘅學生都有提出問題，如希望大家從地理角度解釋「點解新亞咁窮」，有人認為是土地貧瘠，亦有人覺得因為主君無能；如果你得閒，都可以試下答網民問嘅「試述中大各書院間的微妙關係。(15分)」㗎！
網民有話說
Laiiem Chan：張圖欠等高
Stephen Ng：幾時北伐
John Man Tang Lo：中大聯邦合眾國
Pluto Tam：咁新書院係咪即係外族？(大誤)
Jim Yuen：五胡亂華
Yentl Ho：老鬼表示，家下睇完，終於locate到啲新書院
※緊貼網民熱話，掌握最熱話題，請關注網民熱話fb：
