政Whats噏：生日蛋糕切到底　林琳唔憂嫁

生日通常都會切蛋糕，但當中都有學問。今日(13日)生日的荃灣區議員林琳今午出席青年民建聯活動時，一班黨友為她慶祝，不過切蛋糕時，她就突然自爆，自己去年才知道，原來生日蛋糕不能切到底，唔通她30幾年來都是切到底？而她今日才知道箇中原因，原來習俗上認為，如果蛋糕切到底，就會嫁唔出。

不過，其實林琳亦不用怕，雖然她曾大呻做區議員令男士不敢埋身，但原來她最近拍拖了，對方是一早已認識的朋友，年紀比她年輕。林琳大讚男朋友有時會陪她落區，雙方亦已見過家長，更與其他朋友一起去台灣，為林琳預祝生日。二人關係如此好，會唔會閃婚呢？林琳就甜笑叫記者問其男朋友喎！

林琳透露，男朋友有一個缺點，就是令她拍拖後變肥，但又笑指對方肥得更多，看來男朋友時常帶她吃好東西。其實二人將跑步之類當作拍拖活動，就不怕繼續吃好東西啦！

※更多政經猛料、秘聞，請關注政Whats噏fb：

https://goo.gl/ndFQNz