東網電視
更多新聞短片
政府就科技券只約了一個協會做簡介會，蔡淑嫻(左)的表現令張華峯(右)深感不滿。(資料圖片)
立法會功能界別議員，當然會覺得自己代表到最多所屬業界嘅聲音，所以對政府簡介政策都特別有要求。立法會工商事務委員會今日開會，講起資助中小企業的科技券，金融服務界議員張華峯(肥老闆)就相當緊張，要求政府向業界講解科技券事宜，尤其是業界需要提升電腦以配合證監會的要求。不過，官員就當肥老闆無到，以為約了一個協會做簡介會就當交功課，結果惹來肥老闆不滿。
創新及科技署署長蔡淑嫻今日回應肥老闆話，已獲撥款的機構當中，有證券經紀服務公司已成功申請了科技券。不過，肥老闆唔收貨，反駁話「金融服務界呢，其實(只)得我去推介畀我哋嘅行業」，批評相關政府部門沒有接觸他。
聽到肥老闆的說話，蔡淑嫻就即刻拿出證據，話已經安排下星期與香港證券協會做科技券簡介會。肥老闆聽到有點躁話，該協會只是10個證券協會的其中一個，而他是講緊有成10個團體，再問多次蔡淑嫻可否安排時間與其他團體商討及簡介。蔡淑嫻呢個時候先至連忙重複多次話「可以」，表明會後再聯絡肥老闆。
※更多政經猛料、秘聞，請關注政Whats噏fb：
