每日一片：學神唔識拉手掣　師傅拍片嘲諷

考取車牌成功與否，與教車師傅有莫大關係，而師傅的教授方法亦可謂各師各法，不能一概而論對與錯。不過近日一名非常教車師傅卻將教授學生拉手掣的片段上載網上，由於片中學生一直未能掌握拉手掣技巧，被師傅出言諷刺，結果網民圍攻師傅：「係咪想笑人笨」。<br/><br/>片段並沒有拍得「兩師徒」的樣貌，鏡頭瞄準駕駛座位置，一開始師傅已經十分勞氣，解釋放鬆手掣程序，「麻煩你逆時針將佢扭90度」，當時學生都可以做到，但當師傅叫學生重複動作時，對方卻將手掣扭向另一方，結果即時「撻着」師傅，「OK，第6次同你講啦，唔好望我，你專心啲喺個手掣上面。」學生再重做一次時，又再一次扭錯方向，師傅即語帶諷刺說：「逆時針扭就係鬆手掣，你知唔知咩叫逆時針，你戴過錶未？你有冇錶㗎？屋企有冇鐘㗎？支針逆時針點行㗎？」學生無奈下，只有「係、係」作回應。<br/><br/>看過片段後，有人直斥教車師傅不知所謂，認為「識就唔使跟你學」，又謂師傅語氣囂張，可能嚇怕學生才令他愈做愈亂，又指他身為教車師傅，竟拍片嘲笑學生，行為絕不可取。不過亦有網民撐教車師傅：「呢個師傅算好脾氣，至少無講粗口」、「呢啲係教車佬永遠遇到嘅問題」。