搜查線：訂壽司蛋糕後失蹤　 小店反被甩底客斥騷擾

香港人在食肆訂位後「甩底」時有發生，但若訂購食物後「人間蒸發」，不單止失信於人，更會造成食物浪費。長沙灣一間外賣壽司店早前於網上貼文大吐苦水，分享有客人確認訂購壽司蛋糕後去如黃鶴，過了取貨時間，打電話通知對方取貨，反被斥騷擾遭封鎖，最終食材白白被浪費，店員心血亦付諸流水。貼文獲一眾網民力撐，更勸喻店主應先收訂金。店主小丸苦笑道：「唔要咪打個電話講聲，其實錢都唔係最重要，最緊要係有交帶！」

一名女客人本月6日WhatsApp到小丸的外賣壽司店落單，訂購一個價值368港元的壽司蛋糕，並稱會於翌日（7日）晚上7時到店內自取，屆時會付款。然而，當晚7時許，客人一直未有出現，店員因此傳訊息提醒：「你個蛋糕已可取」，卻一直未獲回覆。店員繼而致電客人，對方亦未有接聽電話。

小丸形容，她當時心知不妙，「但係我哋都信個客，可能佢只係好忙唔得閒」。直到晚上8時許，客人終於回覆訊息：「唔係9點關門？」並指「咁訂7點，7點之後拎都好正常」，最後反斥壽司店：「我做緊嘢，但你又不停打（電話）」。當大家以為客人會於關門前趕到取蛋糕時，事實卻是「被放飛機！」結果壽司蛋糕的下場是：「當垃圾掉咗，都已經放咗兩個幾鐘，唔新鮮又唔好食，真係浪費咗啲食物。」

壽司店其實己非首次遇上甩底事件，小丸丈夫阿樂指，壽司店開業近5年以來，因客人甩底的損失已有數千港元。「有次好過分，係買滿800蚊包送貨，去到佢樓下佢唔落嚟，又唔聽電話，最後嘥咗壽司、車錢、心機...」。小丸黯然說：「有時真係做到幾灰。」她指，錢銀損失問題不大，不先收取訂金亦是相信香港人的責任感：「但係呢個係一種承諾同互信，你咁樣做（甩底），我只可以話祝你好運。」

阿樂解釋，當初只是想方便客人，才允許取貨付款。「去茶餐廳叫外賣都唔會要人落咗訂先啦！」他擔心一旦實施形同「趕客」，寧願靠經驗篩選高風險客人，也不希望要求所有人都要先下訂金。但「經一事長一智」，他指今後會積極考慮，客人落單後，會再次致電確認，以免同類事件再次發生。