政Whats噏：重返母校　莫乃光做「小學雞」

離開咗學校幾十年，會唔會想回到校園時？資訊科技界立法會議員莫乃光(Charles)就身體力行去「返學」。Charles已經離開咗母校北角衞理小學42年喇，佢早前喺社交網站上載一張重返母校嘅相，見佢喺班房座位上坐定定，不過以佢依家嘅身形，啲枱櫈似乎就矮咗啲囉。<br/><br/>Charles留言話，仲有一個月，就要告別呢個校園喇，好想留低呢個回憶咁話。而該校遲啲就會由北角長康街搬去百福道嘅新校舍喇。