政Whats噏：憶兒時貧窮爆喊　林正財曾寄住同學家

行政會議成員兼安老事務委員會主席林正財今(7日)出席一個學生活動，喺會上作出分享，提及自幼家貧，曾經歷不少問題，例如家庭暴力、家人不和，自己又曾有犯罪及自殺傾向，當他提到「每個人都需要鼓勵」更一時感觸落淚，喊足2分鐘，期間得在席同學掌聲鼓勵，才振作起來，娓娓道出兒時的貧窮經歷。

佢話，年幼時貧窮，曾獲一位同學接濟，無條件畀自己寄住咗喺同學屋企2年之久，感慨話：「政策如果唔係有血有肉，就係『堅離地』嘅政策」，寄語學生未來若有機會參與政策發展，必須以人為本「人生有時跌跌碰碰，需要一個把手扶一扶。」惹得不少學生及老師「眼濕濕」。