政Whats噏:過期米派街坊 黃麗嫦話唔想嘥

20180908
東網電視
更多新聞短片
黃麗嫦周四喺辦事處免費派包裝意大利飯。
區議員派蛇齋餅糭、派米派糧油都好正常,但講明派「過期」米又係咩玩法?民主黨屯門區議員黃麗嫦上周三喺辦事處免費派包裝意大利米,列明所派嘅米「剛過了最佳食用日期」,而最佳食用日期為今年8月,有屯門讀者就擔心「過期」米會食壞人。
黃麗嫦就話,啲米係由商店轉贈畀區議員同非政府機構,用嚟做食物轉贈,強調只係過咗最佳食用日期,可能口感差啲但食落肚冇問題,仲話自己試過先派畀街坊。黃又話,唔驚好心做壞事,強調只係唔想浪費食物,如果「街坊介意就唔好拎」,最後仲話啲米已經一早派晒。
根據《食物及藥物規例》,「此日期前最佳」即最佳食用日期,同食物安全無直接關係,只要適當儲存,即使過咗最佳食用日期食用,都唔代表對人構成危險,同容易腐壞嘅鮮奶等食品所列嘅「此日期或之前食用」係兩回事。不過,始終係「過期」食物,由區議員或政黨派發較為敏感,即使食用後冇事,都容易被對手攻擊及質疑。