藍潔瑛離世街坊感可惜　讚藍有禮又有人緣

藍潔瑛於馬坑邨住所猝死，街坊得悉後同感愕然，其中家住10樓的陳太表示，藍初時遷入，不論早晚都會大叫，非常大聲，雖然相隔多層樓亦能聽到，又經常自言自語，但近年情況已大為改善，不再聽到大叫，更會與其他街坊打招呼，有時亦會禮貌地與街坊「傾兩句」。

另一名街坊古太同樣指，藍剛遷入時有一些大叫等的失常行為，但近年已改善不再見到，偶遇亦會打招呼互相問候，古太形容：「佢好靚女、又識打扮、行路好慢好溫柔，食嘢嘅時候慢慢歎，成日買咗嘢食之後，會坐喺海邊的枱櫈慢慢食，好優雅」。古太對藍的離世感可惜，又指懷念藍在電視及電影中美麗的身影。

良馬樓互委會主席古生對消息感突然，指上周才在大堂見到她，當時她正向保安員求助，因為開不到一支大樽裝的水，古生見狀出手協助，藍之後有向他道謝。古生形容藍有人緣，稱：「有影迷會煲飯佢食，仲要係日日煲，好難得，我聽人講，佢食完之後啲碗唔洗，擺埋一邊，影迷見到堆咗啲碗喺度，又會攞返去洗」。古生續稱，街坊都體諒她曾是高高在上的明星，現時失意要住公屋，一定大受打擊，所以初時藍有異常行為，街坊雖有微言，但會包容她，至近兩年其情況有大改善，精神飽滿又有禮貌，當有街坊向她打招呼，她總會耐心回應，因此街坊紛紛對她改觀。