搜查線：過膠剪相 青春回憶 影過貼紙相一定有同感！
20181105
東網電視
更多新聞短片
影貼紙相，相信是不少8、90後那些年的「指定動作」。
「可以大眼又瘦腿，即刻X頭都變靚女」、「佢會計時，要一齊諗好所有動作，大家一齊V！」這些對話，影過貼紙相的你，想必深有同感。風靡一時的貼紙相熱潮，由盛轉衰，日本一間知名的貼紙相機製造公司，近日宣布破產結業，而香港專門影貼紙相的舖頭，只剩下兩間，其中的旺角分店，更快將租約期滿。那些年影貼紙相時的「指定動作」，你還記得多少？
過膠、剪相、鬥快搶
一張貼紙相，通常會分成幾張大相，幾張細相，「出相」之後，當然要分相。曾經的「貼紙相愛好者」唐貝詩（Lydia）謂：「我哋多人影要分番，就會剪開一張張，仲會過埋膠。」之後就到「搶相」時刻，務求可以得到一張最靚相片。她笑指，雖然未試過與朋友因爭相而爭執，但會心有不甘：「埋藏心底，點解最靚嗰張畀人攞咗！」
限時擺pose 盡量加effect
要影靚相，就要有可愛pose，而貼紙相機有限時倒數，所以就要提早預備pose。下一個爭分奪秒的時刻，就是影相之後的「修圖時間」，為照片加上各種特效。「打燈又靚，可以畫嘢，個過程好趕急，只有爭取時間不斷畫，鍾意寫自己名上去。」
慳埋慳埋 夾錢影相
那些年的貼紙相，每影一次要4、50港元，對好些學生來說價錢已經算貴。不少人相信會像Lydia一樣，慳埋平日的飯錢，跟同學夾錢影相。她回想，那時候感覺好溫馨，生活亦較簡單，很珍惜跟朋友的相處時間。貼紙相亦容易拉近友誼：「就算唔係好熟嘅都會一齊影，依家睇番都唔記得係邊個。」
彈藥有限 精挑細選再出擊
由於價格不算便宜，而每部貼紙相機效果又各有不同，要「揀啱機」，惟有從相機外表入手，「睇佢啲美術靚唔靚，要畀錢試，影得靚就會返去再影。」如今貼紙相機有美白、大眼及瘦身等功能，比起以前科技先進不少，但感覺卻從未改變。
貼紙相 成為珍貴回憶
求學時期的Lydia，最瘋狂時試過一個星期，影幾次貼紙相，每次約朋友出街都會影，之所以熱愛，全因覺得效果好靚，構圖充滿少女心。曾經貼滿筆盒的相片，現在已經成為糖果盒內的珍藏，當中有些指頭大的相片沒有過膠，亦有些縱使過了膠，亦開始褪色，但無一不是她的珍貴回憶。
多數是朋友間消遣必備，又或情侶間「指定動作」的貼紙相，亦埋藏了她的家庭回憶。因為她的「第一次」，是跟爸爸和妹妹一起影，亦試過旅行時，與媽媽在貼紙相機拍照留念，「同朋友就影好多，同屋企人就特別sweet，諗番都好回味。」
後來中學畢業，Lydia要到外國留學，惟當地沒有貼紙相機，只好等到暑假回港，再帶同學一齊影。回想起來，她懷念又無奈：「嗰陣係xanga年代，會突登用相機影啲貼紙相上去分享，仲會用MSN同ICQ。」
每個年代都有屬於它的集體回憶，你又經歷過邊一樣呢？