師奶暈倒反被趕？　醫生嘆好人難做︰已盡力幫忙

元朗有女士暈倒在診所門口，診所醫生被指拒絕救人，更着女士自行喚白車，被網民群起圍攻。涉事醫生王裕民向東網表示，已盡力救人，心痛事實被人曲解。

有關照片於星期四（22日）上載至Facebook群組「元朗吹水區」，有女士懷疑不適，暈倒在元朗裕景坊附近一間診所外。發貼者透露，當時曾有人向診所求助，未料「醫生冇人理，叫嗰位女士自行Call白車，不特止，嗰位醫生行出嚟叫人唔好坐喺佢舖頭門口旁邊」。

事隔一天，王裕民接受《港呢啲》訪問時，向記者大吐苦水，嘆道︰「前晚8點幾收到通知嗰刻，已經即刻帶埋電筒、聽筒飛奔出去，幫嗰位女士檢查脈搏、眼睛，冇諗到個網民會咁樣講」。

對於被指無喚白車，王裕民醫生解釋︰「我問過嗰位女士意願，佢話唔需要叫白車，咁我無理由叫㗎，叫咗又被人話浪費公帑。」而當時旁邊舖頭已關門，故建議該女士可坐上鄰舖前的壆位，「又有得坐，又有得挨背，會舒服啲」。

王裕民指，該位女士並無大礙，約5分鐘後已自行離去，離開前她與同行友人更親口向他道謝。對於被人誤解，他無奈指︰「好心痛，好無辜，真係好人難做，其實呢啲見義勇為嘅嘢點會唔做，行醫30多年，呢啲情況唔係第一次，次次都有幫手」。

事件在網上瘋傳，王醫生希望事件能早日平息，並冀網民不要相信網上的片面之詞。

---------------

《港呢啲》：大事小事騎呢事，東網嚴謹選題，輕鬆製作！