中環灣仔繞道滲水失控　隨時冧板危及駕駛者

耗資三百六十億港元、最快本月底通車的中環及灣仔繞道和東區走廊連接路(下稱繞道)，被東網踢爆隧道段多處嚴重漏水。有知情人士進一步透露，過去數年隧道內的滲水情況一直失控，以致部分用以固定牆身飾板的鐵扣疑長期接觸鹹水生銹，擔心通車數年後鐵扣銹蝕鬆脫，會出現「冧板」事故，屆時將危及途經的駕駛者及乘客，敦促路政署盡快徹查及處理「水患」，以免日後發生涉及人命傷亡的意外。

繞道位處銅鑼灣避風塘海床下的隧道段，近日進行通車前測試，有工程人員發現管道內多處滲水，天花、牆身、石壆均有水漬，地面甚至出現「水氹」。知情人士指，其實早於三、四年前隧道已開始滲水，「呢條係海底隧道，滲入嚟嘅係鹹水，侵蝕得厲害過一般地下水，有時見到牆身、地面滲出嘅水係啡黑色，反映石屎入面有啲鋼筋已經生銹。」

該人士又指，施工期間曾發生天花石屎疑「浸爛」塌下的事故，事後有人修補，並曾多次在隧道天花、牆壁等灌漿，但只有輕微改善，滲漏仍然持續，之後更繼續讓分判商裝上飾板，遮掩滲水情況。

他續道，安裝飾板前需要先在牆上鑽孔安裝鐵扣，之後才能扣上板塊。由於牆身一直滲水，種入石屎內形成鐵扣的U型鐵枝，去年已開始生銹，「啲防火板(飾板)好重，過多幾年，啲鐵扣銹蝕到斷、裂，隨時頂唔住飾板重量，一塊塊咁跌落嚟，到時就大件事！」

中環灣仔繞道全長四點五公里，其中三點七公里為隧道，○九年預算工程費用達二百八十一億港元，至一三年飆升至三百六十億港元。項目動工至今九年，通車日期仍未確定。