政Whats噏:荷蘭電單車黨搶劫失敗 葉劉保不失

20190101
東網電視
更多新聞短片
葉劉淑儀趁聖誕跨年假到歐洲旅遊。(葉劉淑儀 fb)
近年唔少人歐遊時遇到街頭搶劫,所以好多旅遊達人都會教路,記得將財物跟身。立法會議員葉劉淑儀趁聖誕跨年假與女兒到歐洲旅遊,但到最後一站荷蘭時,竟遇到電單車黨搶手袋,葉太搏命拉扯唔放手,力保不失,但就受咗輕傷。
葉太旅遊都不忘更新社交網站,佢今午(1日)發貼講及同女兒抵阿姆斯特丹,大讚當地班戟好食,又話物價比倫敦低,更有多個博物館。不過,佢喺當地時間除夕(12月31日)下午,同女兒喺名店區行街時,有一架電單車衝向佢,伸出魔手搶手袋,葉太即刻拉實唔放手,卻被拖到落地,對方見到未能得逞即開車逃去。
佢話,有好多熱心市民上前慰問,問要否協助報警,但眼見無財物損失就算數,但膝蓋同手肘都有擦傷,右肩都受傷,所以事後即刻返酒店休息。佢更嘆息首次踏足荷蘭就遇到難忘事,幸好係有驚無險,呼籲大家歐遊時要小心。