政Whats噏:林健鋒突減持3個住宅連7個車位

2019年05月13日 21:28
東網電視
更多新聞短片
林健鋒突然申報減持多個物業及車位。

行政會議係香港最高嘅決策機構,一班行政會議成員時常接觸大大小小嘅政策,自然較一般人更了解香港嘅經濟情況,行會成員點睇後市,自然好值得大家留意一下。身兼行會成員嘅立法會議員林健鋒(Jeffrey)近日申報,減持南區3個住宅物業連7個車位。突然間減持咁多,唔通覺得樓市到頂,自己已經賺夠,所以盡早離場?Jeffrey截稿前未有回覆。

Jeffrey原本申報持有香港及內地多個住宅、工廈、廠房,以及數幅土地,當中有啲係自用、有啲係出租用途,仲有啲寫明係空置。佢上個月底申報,減持香港南區嘅3個住宅物業連7個車位,呢啲物業同車位原本係供親戚使用及出租。呢個咁大嘅變動,唔知會唔會為大家點睇樓市走勢帶來一啲啟示嘞!

此外,公務員事務局局長羅智光喺上個月中亦申報,原本同爸爸各佔一半業權嘅一個沙田住宅,轉為由佢佔全部業權,供家庭成員居住。點解會突然改變業權呢?公務員事務局僅回覆話,業權有變更,所以局長相應作申報,冇其他資料補充喇。