政Whats噏：陈淑庄未康复　或再推辞任民主派召集人

踏入暑假，民主派会议召集人又系时候准备换人嘞。今个立法年度本应系轮到公民党(公文袋)接任，但公文袋拟安排嘅接任人陈淑庄(Tanya)，旧年就因为占中案准备开审，担心要坐监让出位置。而今年Tanya又因为早前确诊脑部有肿瘤，做完手术后身体未完全康复，可能要再一次推庄！<br/><br/>民主派四大板块分别派代表喺4年任期内轮任民主派会议召集人，民主党及专业议政已分别于首两个年度派代表出任，今年就由议会阵线负责，下年度系现届任期内最后一年，定必由公文袋揸庄。据了解，公文袋4名议员中，郭家麒同谭文豪无心恋战喺召集人工作，杨岳桥就唔想又做党魁又做召集人，搞到个位飞来飞去，都系Tanya手上。<br/><br/>Tanya早前做完脑部手术后已逐渐“复出”，佢回覆查询时透露，刚刚做咗3星期电疗，医生话可能会较平常感觉攰啲，幸好近排有开始做运动仲顶得住，但都会小心谨慎啲。至于系咪会做召集人？佢就话会同党友紧密联系沟通，喺身体情况许可、能够应付到、唔好有负市民所望嘅情况下，先再作决定。