政Whats噏：何君堯又惹火　叫女網民「自慰啦」被斥性騷擾

一向立場鮮明嘅立法會議員何君堯，不時喺網上有惹火言論，佢今日（9日）喺社交網站上載咗一張多名泛民議員一字排開，身後有多名示威者嘅相，並撰文指「黑衣」及「不推介黑社會電影之『古惑仔-N集』」。有網民留言叫何：「你自首啦！」他竟反駁指「妳自慰啦！」

其後有多名網民將呢段對話截圖重貼，批評何性騷擾，又批評他違反議員操守。最神奇係，何竟然亦有將對話截圖貼上社交網站，聲稱「以其人之道還治其人之身」，表明「No apology（不會道歉）」指經實驗證明，「曱甴真喺好低能同自卑！」

他批評有人口口聲聲講言論自由，「粗口爛舌人哋就得，但畀人回敬一句半句就扮純情」，並形容對方「低B去投訴：『miss，佢蝦我！』」更指有人學人搞時代革命，「戒咗尿片先再講啦。」