政Whats噏:示威者作埋「國歌」? 學者:想搞獨立

2019年09月12日 17:28
東網電視
更多新聞短片
各區商場不時出現集會,並大合唱一首名為《願榮光歸香港》的歌曲。
反修例嘅行動持續超過三個月,仍未見有冷卻嘅迹象,各區嘅地標商場更不斷出現大型嘅集會,有人高叫口號及大合唱一首名為《願榮光歸香港》抗爭者進行曲,近日喺網上流一傳一段短片,將呢首歌包裝成交響樂咁,有學者直指此舉儼如連「國歌」都作埋,想搞獨立。
呢段短片長逾兩分鐘,一開始就有幾個戴上頭盔、戴眼罩、黑色口罩同着黑衫嘅男女帶頭唱,跟住愈嚟愈多黑衣入加入一齊唱,部分黑衣人更加負責拉小提琴、吹單簧管同打鼓,唱到中段,更有人揮動黑紫荊旗,隨後場內噴出白煙,相信係寓意警方施放催淚彈,未幾全場變得煙霧瀰漫,最後更全場大合唱,簡直好似交響曲咁。
理工大學專業及持續教育學院講師陳偉強話,洋紫荊係香港嘅區旗,而呢段短片揮舞黑洋紫荊旗明顯係否定一國兩制同香港主權屬於中國。佢又話,好多國家搞獨立運動嘅人都會透過文宣、藝術甚至音樂,嚟表達佢哋嘅理念,甚至影響其他人嘅諗法。