荃灣男浮屍身份曝光　28歲仔疑官司纏身跳海亡

【19:10】逾百名市民到場，將鮮花及生果擺放地上，並燃點蠟燭悼念死者。

【19:00】消息稱，郭住葵涌區，有4兄弟姊妹，他排行第三，有兩兄一妹。二哥表示，郭以前做物流工作，兩個月前失業後，曾經做過倉務，並經常流連網吧，「佢本身衰咗啲嘢，一時睇唔開自殺，事實與修例無關，佢一次遊行都冇參加過，網民要咁樣講都冇辦法。」郭的女友更斬釘截鐵稱：「完全唔關反修例事，但啲人將件事推落修例度，令我哋家人受到再次傷害。」

【17:20】據了解，死者姓郭（28歲），最近疑受官司纏身，有關案件今早於法庭審理。郭原本約女友一同到法庭，惟遲遲未有現身，女友未能與他聯絡，心知不妙，遂到葵涌警署報其失蹤。警方失蹤人口組到郭住所調查，檢獲兩封分別給父母及女友的遺書。另據知，郭早前透過WhatsApp訊息，向女友透露輕生念頭。

.....................................

今日(24日)早上10時46分，有市民途經荃灣海濱公園近柏傲灣，赫見對開海面有一具人形物體載浮載沉，立即報警求助。消防及水警輪到場，消防蛙人落水在離岸20米對開海面撈起一具男子屍體，他身穿黑衫黑褲及黑鞋，身上有傷痕。警方聯絡死者親友到場認屍，期間死者一名女親友情緒激動，一度跪地痛哭。男子墮海原因有待警方進一步調查。

事件同時惹網民猜疑，更有約30人到場圍觀及拍攝，並懷疑死者「被自殺」，有死者的親友在現場表示「我都係反送中㗎，尊重吓家人啦!」要求停止拍攝，但仍未能遏止網民的紛紛議論，更有網民發起今晚7時在荃灣公園海旁獻白花悼念。