每日一片：吊臂車飛擲木塊　網民：好彩玻璃夠硬淨

行車時確保車上物品放置穩妥，是司機的基本責任。近日一架吊臂車在行車期間，突然從車身飛出木塊，更重擊隨後而至的車輛，雖無人命傷亡，但擋風玻璃就遭殃，慘變「蜘蛛網」。<br/><br/>現場是深水埗龍翔道，事發於前日(7日)下午約2時。事主Tommy Leung將車Cam片上載於Facebook群組「小心駕駛(討論別人駕駛態度)」。片段開始，事主駕車沿右線行車，期間左線一架吊臂車一直加速，爬過一架校巴頭後不久，車身突然飛出一件木塊，木塊在地上連番反彈後，最終撞向事主座駕的擋風玻璃，玻璃應聲爆裂。事後吊臂車絕塵而去，事主惟有緩緩駛向慢線，相信是準備落車檢視玻璃損毀情況。事主事後在貼文中語帶無奈：「差啲過唔到年」。<br/><br/>網民估計該塊木頭應是一般重型車停車時「攝轆」用，更大嘆事件驚險，「快啲去還神」、「如果係電單車食，真係命都無...」。