政Whats噏：麥美娟鄧家彪　狠批政客將抗疫政治化

疫症當前，人人理應齊心抗疫。不過，工聯會議員麥美娟就同黨友鄧家彪今日（28日）喺網台節目上，批評本港同其他國家都有政客將抗疫政治化，仲鬧爆有部分本港政客冇良心，剩係掛住叫外國制裁香港。

鄧家彪重提自己曾經試過喺美資網購平台上訂口罩，但就寄唔到返香港，質疑早前有民主派人士透過外交通道，先可以從美國運到數以十萬計嘅口罩返香港。

最近有個新綽號叫「契姐」嘅麥美娟，就隨即炮轟呢班同美國有特殊關係嘅人，在現時應該對抗疫情嘅時候，仲掛住叫佢哋嘅「契哥」美國制裁香港，呼籲呢班政客要有良心，應該團結啲一齊做好抗疫工作。