政Whats噏：警队与港台割席　正寻找新合作拍摄《警讯》

警队同香港电台合作拍摄嘅电视节目《警讯》因双方近年关系紧张，搞到警队最终宣布同港台“割席”、结束长达47年嘅合作关系。据悉，警方最近寻找紧新嘅合作伙伴，而其中一个定案就系搵电视台制作全新嘅《警讯》节目，但就未有确实方案喇。<br/><br/>《警讯》节目一直秉承宣扬灭罪讯息嘅宗旨，但反修例风波期间，港台播放嘅节目多次嘲讽警队，导致警方好不满。警方喺今年3月亦去信港台，话《头条新闻》颠倒是非、误导观众，令观众对警方容易产生错误看法。而双方合作嘅《警讯》将于8月12日播放最后一集。<br/><br/>虽然警方唔再同港台合作拍摄，但都积极搵紧新嘅合作伙伴喎。据了解，警方最近搵过几间本地电视台，讨论合作拍摄全新嘅《警讯》，听闻幕前幕后都会有改动添。但另有消息指警方未有定案，考虑紧包括自行制作节目、搵合作等方法，所以就唔知市民几时先有得睇喇。