政Whats噏:疑銅芯口罩綁太緊 林鄭求救無援除罩發言

20200901
東網電視
更多新聞短片
林鄭月娥最少兩度調整口罩位置。(何天成攝)
特首林鄭月娥今早(1日)出席行政會議前見記者,呼籲市民積極參與全民檢測計劃,共同對抗疫情。但林鄭月娥喺發言期間,一度因為口罩太緊,而除低口罩發言,更指同記者有保持1.5米距離,應該無問題。
林鄭月娥佩戴政府向全民派發嘅銅芯抗疫口罩出席記者會,過程中最少兩次用手調整口罩位置,而右耳亦未能正確穿戴口罩。到記者會開始大約半個鐘後,她突然叫攝記「唔好係咁影我」,並表示「可能個口罩緊得滯」同除低口罩。她一度嘗試戴返口罩但唔成功,其後問側邊嘅職員有冇另一個替換,但擾攘一陣之後選擇直接除低口罩發言,更指同記者有保持1.5米距離。
林鄭月娥已經發生過幾次「口罩風波」,喺2月份疫情爆發初期,因為口罩供應唔夠,要求公務員喺必要情況下先可以戴口罩,否則「戴咗都叫你除返落嚟」,自己亦於見記者時帶頭唔戴口罩。就算林鄭月娥肯戴口罩亦唔係首次「甩轆」,喺6月同樣於行政會議前見記者嗰陣,要整理不斷下滑嘅銅芯口罩,更一度露出鼻子,她當時笑指「今日個口罩麻麻哋,可能洗得多鬆咗」。個口罩時鬆時緊,都唔知點搞喇。
《香港疫慌》專頁: http://hk.on.cc/fea/hkdisease
-----
《香港信貸》上市公司,紮根香港廿三年,專業可靠;申請只須一個電話,即時解決您的資金需要!
.物業一按二按.公居屋貸款
.業主私人貸款.中小企貸款
查詢:2525 3535
忠告:借錢梗要還,咪俾錢中介
放債人牌照號碼 : 香港信貸財務有限公司1065/2020;香港信貸(私人貸款)有限公司0336/2020