政Whats噏：街坊財困　蔣麗芸鬧爆政府抗疫不力

新冠肺炎疫情影響香港一年，好多市民都處於水深火熱嘅情況。議員蔣麗芸(Ann)今日(22日)就喺施政報告致謝議案上鬧爆政府抗疫不力，政策「議而不決，決而不行」，唔少市民受到經濟下滑影響，佢仲自爆近日試過借錢畀街坊度過難關，又話嗰位街坊之前都試過問其人借錢，但就要畀利息，Ann見街坊急需款項應急，所以仗義幫手，免息借錢畀街坊。

Ann又引述特首林鄭月娥多次表明要以清零為目標，認為疫情假若喺社區進一步擴散，政府就應該推行全民強制檢測、疫苗接種同健康碼三管齊下，否則的話香港只會喺疫情下拖拖拉拉，好多企業將會喺短時間內倒閉。