你要知:蚊叮季節殺到 必學家居防蚊貼士

2021年04月23日 04:00
東網電視
更多新聞短片
家居蚊患好困擾,隨時令人冇覺好瞓!
即將踏入夏天,又到蚊叮蟲咬的季節。不少人家中已開始出現蚊子,搞到夜晚「冇覺好瞓」。如何可以防範蚊子來襲室內,有哪類人容易被蚊叮?就由滅蟲專家任永強醒大家幾招!
「通常肥胖、排汗較多、體味較濃人士或小朋友都是蚊叮高危族」,任解釋指當體溫高及流汗時會分泌氨基酸,故容易吸引蚊叮,「血型都有關係,O型同AB型會多啲,A型反而會少啲。」任指屋內有「死水」,或是養殖盆栽都是令蚊子孳生原因,此外居住低層都容易有蚊子來襲的風險,任建議想防止情況發生可為家居裝上蚊網。
坊間有說法指在門外及窗邊噴上殺蟲水,可作驅趕蚊子之用,任坦言此方法並無作用,「屋企最好種啲驅蚊草,薄荷同玫瑰都驅到蚊。」如情況依然惡劣,任建議可擺設電子蚊香,可維持6-8小時效用。亦有人喜歡用肥皂水驅蚊,任解釋作用是防止蚊子產卵,其實只要清理掉花盆積水即可,「而香薰油係好有效,啲蚊好怕陣味,而瞓覺時都可以擺少少薰衣草防蚊。」
屋企範圍不想使用蚊怕貼和蚊怕水,但又想防止被蚊叮該如何做?任表示可以用薄荷葉同紫蘇葉搽在身體,或者穿着長袖衫褲。另外任亦建議可以開風扇吹走或驅走蚊子,「開冷氣亦有幫助,一來過程會閂窗,第二蚊都唔鍾意凍嘅地方。」如情況再嚴重,任建議可購買紫外光滅蚊燈。