政Whats噏：閉環減壓花樣多　顏汶羽讀博士？

多名議員獲邀出席7.1活動，不過事前須閉環管理，究竟佢哋喺屋企可以做啲咩呢，其中九龍東議員顏汶羽就展示一張玩電腦嘅照片，只見佢低頭沉思，唔通佢都係打機度日，暫時抽離議會工作？

原來顏汶羽並唔係玩電腦咁簡單，佢係準備緊佢嘅博士課程，仲指已去到最尾階段，論文嘅最後稿都已經交了，下個月便會進行答辯，仲指自己都有少許緊張。佢又話留在家閉環，正好有更多時間準備答辯，而呢份論文更係佢10多年嘅研究成果，既係學術推論，亦係經驗所得。其實顏先後畢業喺香港城市大學公共政策及管理文學碩士，同嶺南大學社會科學(榮譽)學士，今次繼續再修讀政策研究。

其實議事廳不乏高學歷人士，睇嚟持續進修，提升自己嘅學識，先至有能力做一個稱職嘅代議士喇！