東網電視
更多新聞短片
林健鋒(右)落區派糉畀街坊。
好多團體都會趁住端午節派糉，以加強同街坊嘅聯繫，議員林健鋒今日(20日)就去到經民聯嘅油尖旺地區辦事處，同幾位黨友一齊派糉，而附近嘅街坊亦聞風而至。本來派糉係按人頭，一人一隻，但有小朋友提出不情之請，話想要兩隻糉喎！到底林健鋒點處理好呢？
結果林健鋒做「順得人」，好大方咁話「當然可以！」又話只要有心分享畀親朋好友，多隻糉都唔係問題。佢不但送多一隻糉，仲附上「身體健康！」嘅祝福語，認為大家最需要嘅就係互相照顧同關懷。事後佢睇見一眾街坊開開心心咁拎走隻糉，感到好欣慰，畢竟作為議員同社區領袖，促進居民福祉是其使命。
佢又話深信香港人有團結精神，定能戰勝任何困難。冀經濟轉好之後，各議員同僚能繼續合作為市民服務，令香港成為更美好嘅家園。
