東網電視
更多新聞短片
洪雯意識到自己講錯，停頓約半秒跟住就立即修正。
議會內嘅「蝦碌」場面，往往一不離二。繼議員梁美芬上月喺議事堂內口快快，誤將主席講成「主人」，議員洪雯今日(13日)喺討論城規條例草案嘅時候亦出現同樣錯誤，稱呼代主席為「主人」。
同梁美芬一樣，洪雯都係去到發言即將結束時「出事」，當佢提到「探索香港特色的資本主義，一步步實現我哋嘅願景。主人...」此時洪雯意識到自己講錯，於是停頓約半秒，跟住就立即修正並讀埋餘下嘅發言「主席，本人僅此陳辭，支持條例草案。」
正所謂歷史總是驚人的相似，但不會簡單的重複。儘管洪雯今次嘅口誤同梁美芬相同，不過主席台上嘅人物就唔同咗。聽聞議員同事稱呼自己為「主人」嘅代主席不禁莞爾，嘴角上翹繼而請下一位議員龍漢標發言。
