東網電視
更多新聞短片
多名議員同美國代表團交流兩地嘅房屋同活化政策。
唔同嘅地方都會面對房屋問題，立法會發展事務委員會今日(25日)接見咗嚟自加州同夏威夷嘅房屋政策代表團。委員會主席謝偉銓(Tony)話雙方就兩地嘅土地房屋同活化舊區政策討論交流，當然兩地嘅歷史背景、政策法規同實際情況都好唔同，但仍有值得互相借鏡嘅地方。
參與會面嘅仲有工程界議員盧偉國同周浩鼎等。Tony話雖然最近香港樓價有所回落，但仍同大多數市民嘅負擔能力脫節，住宅租金更逆市上升，其實唔單止香港，美國多個大城市亦面對樓租高同租金貴問題，其中加州同夏威夷更出名多露宿者，有貧窮問題，仲滋生各種治安、毒品同環境衞生問題。
周浩鼎就話向代表團解說香港10年嘅建屋目標達43萬個單位，港府提速嘅方式包括用組裝合成法 ，同埋就長者輪候公屋嘅相對迅速待遇等，又話代表團亦希望急切解決夏威夷州同美國國內一啲公營房屋問題。
