東網電視
更多新聞短片
1/4
藝人李龍基的未婚妻王青霞（Chris）近日是非纏身，黑歷史被爆完一單又一單，先後被指畫作及學歷造假，又捲入出軌疑雲，有多張跟異性的咀嘴相曝光。不過，相關傳聞並未影響兩人感情，本月10日李龍基與Chris仍雙雙現身無綫在廟行的除夕倒數活動。今日（19日）有消息指Chris是旅客因逾期居留而被捕，據本港法例規定過期居留人士通常會被逐離港，而違例者最高可被判監2年及罰款5萬港元。東網接獲消息稱，Chris會被落案起訴，明天（20日）在沙田裁判法院提堂。
未婚妻出事，身在廣州的李龍基親自回覆東網，他一開口就表示：「我知咩事，我依家唔喺香港，明日（20號）要錄影節目，簽咗約唔推得，21日會趕返香港，佢身邊冇人冇物，但我搵咗謝偉俊律師陪佢，我身邊都好多朋友陪住我唔使擔心。」問到可擔心未婚妻入獄？他說：「依家唔係驚，係擔心，但詳情唔講得，希望將所有傷害減到最低…。」此時，他忍不住痛哭，待平靜情緒後，他說：「我一定支持佢，一定支持。佢成日乜都唔講，收收埋埋，可能怕我擔心佢，唔畀我同佢分擔，佢唔捨得離開我，（結婚承諾係咪不變？）一定唔會變。」
Chris曾在訪問中自稱是透過優才計劃來港，並自言優才要求學歷有碩士以上，但事後Chris被質疑學歷造假，李龍基曾就Chris的學歷真偽問題表示已將所有事情交由律師處理。
李龍基與未婚妻Chris。
Chris逾期居留被捕。
Chris近日是非纏身。
