創歷史!江旻憓決賽擊敗法國劍手 勇奪奧運金牌
2024年07月28日 03:52
東網電視
更多新聞短片
![](/hk/bkn/cnt/news/20240728/photo/bkn-20240728035248961-0728_00822_001_01p.jpg?20240728120006)
【記者余樂詩巴黎直擊】「世一」江旻憓周日(28日)凌晨在大皇宮上演嘅巴黎奧運女子重劍個人賽決賽,戰至12比12,在決一劍反勝世界排名第6東道主法國劍手瑪露,打破「隔屆攞牌」定律,中國香港代表團首日比賽即有獎牌落袋。
江旻憓今場要在客場作戰,非常難打,首回合頭1分鐘互相試探,雙雙被判消極黃牌,之後再戰,瑪露主動出擊先贏4劍領先4比0;第2回合江旻憓主動搶攻,但反而劣勢擴大,落後到1比7時候換劍,終於止住跌勢,第2回合追至6比9。
第3回合江旻憓繼續出擊,先追1劍至7比9,然後再力追至落後10比9,跟住追平10比10,愈打愈有信心,直至12比12,雙方放棄進攻,要決一劍分勝負。最終江旻憓擊敗對手,成功奪金。這是香港歷來第10面奧運獎牌,也是李麗珊及張家朗之後,第3位香港奧運金牌得主。
「微笑劍后」在今屆賽事展現「世一」實力,由32強起步,先後擊敗埃及、美國、烏克蘭、愛沙尼亞劍手,殺入決賽已經創下歷史,在決賽反勝對手,成功奪金。