$2乘車優惠今起限用樂悠咭　長者呻麻煩

年滿60歲或以上長者今日（25日）起必須用樂悠咭，才能享用2元乘車優惠，如繼續使用不記名的長者八達通乘車，將只會享半價優惠。記者今早於黃大仙地鐵站視察，有職員於入閘口提醒長者需使用樂悠咭，絕大部分長者均使用樂悠咭入閘，不過仍有零星巿民並未申請，年過80歲的長者杜婆婆就指平時較少外出，因而未有留意到新安排，「完全唔知」，而申請樂悠咭需時約4個星期，杜婆婆亦坦言沒有辦法，「唔緊要啦，貴就要貴。」

72歲的陳伯伯則表示，一早已申請樂悠咭，但因為未有增值50港元作按金，未啟用樂悠咭，乘搭小巴時未能付款，便立即到地鐵站增值啟動樂悠咭，「好似聽過有呢回事，但冇刻意記住，去到今日先發覺原來我唔落嗰50蚊係唔可以開通張卡。」他又認為新安排很麻煩，「唉，好煩呀，對老人家嚟講就好煩㗎喇。」

湯女士早已申請樂悠咭，但亦認為新安排並不方便，認為政府是「搵嚟搞」，「我哋長者吖嘛，又長者咭，又樂悠咭，太多咭要照顧。」她又提到之前買了長者八達通手錶，現在等同廢了武功，「（以前用手錶）一嘟落去就係，依家你又要摷又要揀，你知長者好論盡㗎嘛。」另一位長者黃伯伯則表示，會將已絕版的長者咭留作紀念。

而在黃大仙社區中心設有臨時樂悠咭申請中心，今早有未申請樂悠咭的市民到中心辦理申請手續，黃先生表示今早上班時車資由2港元變成3.7港元，故馬上前來申請，約10分鐘已完成手續，大讚很方便。他又指其實早已下載八達通APP打算申請樂悠咭，但認為很難用，「介面唔係user friendly（使用者友善），要搵好多嘢，好似我哋啲幾廿歲睇嘢唔係好清楚，啲字又細喎，咁變咗就一直冇理到佢。」至於接下來一個月都要繳付較貴車資，黃先生坦言，「都知道唔抵，但唔係咁容易，如果有啲後生仔幫吓老人家會好啲嘅，但唔係個個都有後生仔幫你申請。」