亞洲盃　AV熟女撐場 日軍首名入8強

日本出名多女球迷，AV女優白木優子都跟得好貼，日本踢亞洲盃賽事，佢直頭喺twitter全程直播，真係相當落力支持國家隊喎。優子雖然已經39歲，但風韻尤存，喺佢力撐之下，日本以2比0砌低約旦，分組賽3戰全勝首名打入8強。日軍今戰憑本田圭佑同香川真司上、下半場各入一粒，淨勝兩球，8強會對阿聯酋。同組伊拉克亦以相同比數殺敗巴勒斯坦次名晉級，8強會鬥伊朗。