東網電視
更多新聞短片
崔瑟琪係格鬥赛事ROAD FC舉牌女神。(互聯網圖片)
1/15
自從劉亦菲同宋承憲公開戀情，中國網友就勁葡萄，唔明「姑姑」點解會鍾意南韓Oppa，覺得好似輸咗畀人咁。不過大家唔使嬲，因為中國拳王張立鵬承認，溝掂南韓G奶舉牌女神崔瑟琪，有網友目擊佢哋拖手行街，同埋共進燭光晚餐，簡直係為國增光呀！
亞洲頂級格鬥赛事ROAD FC，將會喺12月26號登陸上海進行中國首秀，到時除咗會雲集中外格鬥高手，仲有大批舉牌索女畀大家睇。唔知係真定係宣傳，中國拳王張立鵬近日證實同崔瑟琪拍拖，而且喺活動上親密合照，搞到網友高呼這些機會終於屬於中國巴打。
崔瑟琪除咗係ROAD FC當家舉牌女神，大家喺電競同賽車活動，都會見到佢身影，佢仲係南韓超人氣網絡主播，好多大叔同宅男坐喺電腦前面睇佢做節目。唔可唔提嘅係，其實崔瑟琪除咗童顏巨乳，仲曾經學過下格鬥技巧，想知佢睇得打唔打得，就即刻睇片啦！
