日職　紅鑽吉祥物最乞人憎！

日職除咗球賽同靚女好睇之外，吉祥物都係一大賣點。J.LEAGUE官方最近就搞咗個J.LEAGUE吉祥物選舉，今日就先公布31至39位的吉祥物。開講都有話：香港人最鍾意睇人X街，第一時間梗係望下邊隻吉祥物排包尾，最乞人憎啦，結果出人意表，竟然係浦和紅鑽的Redia。本來諗住紅鑽假假地都係豪門，會有好多Fans撐自己人，誰不知Redia竟然落得這個下場，據說原因是Redia好少出現球會活動，存在感超低，甚至被球迷諷刺是「化石」！嚟緊幾日都會公布其他排名，2月20日就會講邊隻吉祥物係人氣王，有興趣嘅朋友可以留意下喇！