南韓選美冠軍一字馬開球爆紅

點樣至可以擁有殺死人Body？南韓選美冠軍梁定原話畀網友知，練普拉提可以。靚樣身材正嘅梁定原近日為韓國職棒球會斗山熊隊主持開球禮，唔止著緊身褲性感現身，大熱蘋果臀睇到人流鼻血，佢嘅一字馬開球更加喺網止爆紅添！

斗山熊隊曾經搵過南韓最美女星Clara主持開球禮，今次梁定原擔任嘉賓，一樣掀起話題，皆因佢被稱為南韓最美普拉提教師，練開一種近似瑜伽嘅體適能（Physical fitness）運動，緊身褲配合弗到漏身型，視覺上絕對引死人，加上佢嘅一字馬開球，巴打梗係笑呵呵啦，連帶佢拍落嘅普拉提教學視頻，都大把網友喪搵，想睇真佢到底有幾性感。