東網電視
更多新聞短片
年輕時李宗偉(左)、林丹合照。（照片轉載自馬來西亞老虎Facebook）
1/2
馬來西亞「拿督」終於等到喇！李宗偉於里奧男單4強戰反勝宿敵林丹，賽後佢勁激動慶祝，梗係啦，近10年一去到大賽，李、林決戰次次都係李宗偉輸，所以「拿督」都話冇諗過贏：「我冇諗過可以擊敗林丹。因為比賽之前，喺大賽都未贏過佢，自己都好擔心。我雖然喺公開賽贏過，但去到大賽，每個人都知道我未贏過佢！所以賽前我咩都唔諗，而去到決勝局，佢追到20平手時，我就拚輸嚟打，最後贏咗真要感謝上天。」
林丹係自己宿敵，但彼此絕對惺惺相惜：「我同佢都30幾歲，仲可以打奧運已經難得，我同佢仲可以正面對賽，其實係好難得。我真係好多謝佢，林丹係我最偉大嘅對手。」
至於決賽對中國諶龍，李宗偉話唔會諗咁多：「我會好好做好自己，應付呢場艱苦嘅最後大戰。」
SO東波同你追實體壇每個精彩時刻！
（照片轉載自馬來西亞老虎Facebook）
