東網電視
更多新聞短片
(互聯網圖片)
上輪英超曼聯主場畀般尼茅夫迫和，星級射手伊巴謙莫域，仲要同對手守衞泰朗明斯不斷出現身體碰撞，其中明斯涉踩伊巴頭部，而伊巴稍後就疑似起肘打人報復。雖然兩個當時都好彩，冇畀球證趕出場，不過呢個世界有樣嘢叫秋後算帳，英足總要正式落簿，叉廚佢哋於球場從事暴力行為。
英足總發表聲明：「伊巴謙莫域同泰朗明斯，於該場賽事大約44分鐘左右，發生2次暴力行為，足總決定起訴二人。兩名球員可於本月7號前作出答辯。」
伊巴之前話明，會尊重足總所有處罰，但就堅稱自己無心起肘打泰朗明斯。如果伊巴堅被裁定犯錯，好大機會坐3場波監，英足盃八強大戰車仔，英超對米杜士堡同西布朗都唔使預佢。
東網體育同你追實體壇每個精彩時刻！
