東網電視
更多新聞短片
拜仁射手羅拔仔(中)以一敵二，依然輕輕鬆鬆。(Getty Images)
德甲尋晚上演連場惡戰，其中「一哥」拜仁慕尼黑就喺主場以3比0大破法蘭克福，由於拜仁嘅爭標對手RB萊比錫同多蒙特都分別輸波，前者以0比1不敵禾夫斯堡，「蜜蜂兵團」就以1比2不敵哈化柏林，家陣拜仁就拉開次席RB萊比錫去到10分，帶甩第3位多蒙特有16分之多，聯賽仲有10輪，要實現5連霸美夢都幾樂觀。賽後拜仁教練「肥安」安察洛堤都話今日係好日子，乜都順晒佢哋，但就強調球隊上下仲要繼續專注喎！梗係啦，拜仁唔止要贏德甲，家陣仲叫緊胡做三冠王呀！
東網體育同你追實體壇每個精彩時刻！
