東網電視
更多新聞短片
1/3
即上英超刨績王：http://win.on.cc/epl
由於兩個客軍球員都喺同一位置射失12碼，修咸頓主動換咗主場聖馬利球場一個12碼點嘅問題草皮，唔知係咪博攞體育精神獎呢？
《每日郵報》報道，修咸頓上星期六响主場0比0打和般尼茅夫場波，對手中場哈利艾達12碼宴客，咁啱3個月前，熱刺前鋒哈利卡尼喺同一位置都失手。射失極刑之後，兩人不約而同望住12碼點附近草皮，似乎埋怨笪草皮累事。賽後哈利艾達仲開玩笑咁講：「可能因為大家個名都叫哈利啩，叫親哈利嘅都唔應該喺聖馬利操刀，尤其嗰個12碼點。」
大方嘅修咸頓馬上鏟咗塊問題草皮重鋪，可能好心有好報，佢哋今朝响英超對水晶宮場波就贏咗3比1，近3場波第一次開W。
東網體育同你追實體壇每個精彩時刻！
