潘頓向禮儀小姐講粗口　贏馬七萬罰十皮

每逢盃賽場合，騎師覆磅之後要去捧盃，時間非常緊逼，禮儀小姐呢個時候就會催促騎師行快兩步。

周三晚第五場馬拉華度賽馬會盃由潘頓「晚風」勝出，潘頓覆磅後行去捧盃被禮儀小姐催促，騎者竟然忍唔住氣向禮儀小姐講粗口。董事解釋，潘頓之前已有多次同類紀錄，所以罰款10萬元。潘頓贏呢場馬嘅收入大約為7萬元，家陣被罰10萬，真係名副其實倒貼喇！

潘頓因對禮儀小姐講粗口，由於佢係「慣犯」，因而被重罰10萬元。據部份在場的禮儀小姐透露，頒獎時全世界等潘頓，但潘頓卻慢慢行，佢嘅職責必須叫潘頓行快兩步，但潘頓唔合作之餘，仲講粗口鬧佢，真係好無禮貌。