東網電視
更多新聞短片
韋舒亞或要出走英超。(Getty Images)
1/3
即上英超刨績王：http://win.on.cc/epl
曾經被譽為英格蘭國家隊新一代最佳中場嘅阿仙奴球星韋舒亞，經過多年來連續不斷傷患，依家連喺「兵工廠」都企唔穩陣腳，今季夾夾埋埋喺英超先得25分鐘上陣時間，其餘主力就喺歐霸盃同聯賽盃上陣。
近呢個星期，英格蘭國家隊同德國及巴西友賽，都冇佢份，有消息話同「兵工廠」有份9萬鎊周薪合約嘅韋舒亞，喺踏入合約最後大半年嘅日子，到依家都未同球會傾掂新約，究竟前途係點都未知。不過好彩，原來西甲球會貝迪斯已經同韋舒亞本人及佢經理人會面，傾緊出年夏天免費加盟嘅可能，甚至喺出年一月以優惠價過檔嘅機會，總之照形勢睇，韋舒亞出年極有可能轉戰西甲搏翻身啦！
老實講，貝迪斯今季戰績唔錯，依家排喺西甲第8位，入面仲有韋舒亞嘅阿仙奴隊友祖爾甘保，今季外借咗去貝迪斯，話唔定佢最後提早季中過檔貝迪斯都堅有可能。
東網體育同你追實體壇每個精彩時刻！
啱啱落選英格蘭國家隊。(Getty Images)
韋舒亞今季喺「兵工廠」冇運行。(Getty Images)
