東網電視
更多新聞短片
1/4
即上英超刨績王：http://win.on.cc/epl
近日西班牙球壇最受關注嘅話題，居然完全同皇馬、巴塞無關，而係一單發生喺西丁聯賽嘅性侵未成年少女醜聞。
當地時間星期一，西班牙卡斯蒂利亞同萊昂地方國民警察，去到西丁球隊Arandina嘅宿舍，拘捕3名球員，佢哋被控涉嫌性侵一名15歲少女。塞爾電台透露，性侵案發生喺大約半個月前，報案人係女仔嘅父母，佢哋指控Arandina旗下3名球員24歲嘅Lucho、19歲嘅Clavo同24歲嘅Viti，喺少女唔同意情況下，強行同佢發生性關係，目前受害人已經去咗馬德里接受心理治療。
星期三西班牙Aranda de Duero地方法庭宣布羈押3名球員，唔准保釋，因為法官認為當事人有可能繼續危害社會。西丁聯賽第8小組嘅球會Arandina隨即發表聲明，宣布將3名球員炒魷，並譴責佢哋性侵未成年少女嘅行為。
但係《EFE》通訊社收到風，呢名未成年少女係喺3名球員屋企被侵犯，當時佢要求「結束同3人目前嘅關係」，被拒後就發生性侵事件，換言之受害人似乎同班疑犯有不尋常關係。西班牙媒體現時對於呢件事嘅分歧，在於少女係咪以前同班球員一直維持呢種性關係，以及呢種關係係咪自願。不過根據西班牙法律，即使係自願發生性關係，呢種涉及未成年人嘅案件，一樣可以被認定屬於性侵。
東網體育同你追實體壇每個精彩時刻！
