東網電視
更多新聞短片
即上英超刨績王：http://win.on.cc/epl
愛華頓尋晚以3比1大勝水晶宮，法國中場舒尼達連踢到完場前10分鐘，差不多大局已定後，換入嚟頂替伊祖沙古爾，以為都會得到球迷掌聲支持吓，點知結果入場一刻，觀眾席傳嚟係唔少噓聲。對於麾下球員畀球迷喝倒彩，身為「拖肥糖」領隊嘅「大Sam」艾拿戴斯就話估唔到，佢仲幫愛隊護航講番幾句：「真係好意外，我之前都未聽過，佢（舒尼達連）係我哋今季重要一員，其實陣內大把人都未踢出最佳水準啦！」「大Sam」或者冇講錯，愛華頓戰績普通真係未必可以怪晒呢個法國中場，問題係佢一向紀律麻麻，之前帶隊個看守教練安斯禾夫就曾經以舒尼達連操練「揸流攤」，將佢趕離訓練場。對於一個唔盡力做好嘅球員，球迷反感又怪得邊個先？
Go Go 開波 GOAL DX 策略手遊
贏盡100萬現金獎賞 https://goo.gl/irtKhK
東網體育同你追實體壇每個精彩時刻！
