東網電視
更多新聞短片
費倫天拿隊長艾斯托利嘅葬禮喺佛羅倫斯嘅聖十字聖教堂舉行。(法新社)
1/8
費倫天拿隊長艾斯托利嘅葬禮，意大利時間8號早上喺佛羅倫斯嘅聖十字聖教堂舉行，現場有多達1千名群眾聚集，唔少人手持「再見隊長」嘅標語，希望送呢位英年早逝嘅31歲球員最後一程。多位球壇人士都有到場憑弔，除咗有費倫天拿全隊上下之外，多位昔日嘅意大利國家隊隊友及領隊，包括啱啱同祖雲達斯喺倫敦踢完歐聯16強次回合嘅保方同基亞連尼都有出席，其中後者就表示：「我哋會將(歐聯16強)勝利獻畀艾斯托利，佢係個出色嘅球員，並會長存我們心中。」
現場前來悼念嘅群眾形成一片紫海。(法新社)
多位球壇人士到場，包括羅馬傳奇球員托迪。(法新社)
費倫天拿球場外都有唔少球迷留底紀念品悼念去世嘅球隊隊長。(法新社)
唔少現場球迷神情哀傷。(法新社)
費倫天拿全隊到場憑弔。(法新社)
身穿紫色服飾嘅孩童，喺聖十字聖教堂外排成人圈，象徵守護天使。(法新社)
唔少啱啱同祖雲達斯踢完歐聯嘅球員，包括保方(右)同巴沙利(左)都有出席。(法新社)
