東網電視
更多新聞短片
即上英超刨績王：http://win.on.cc/epl
英國稅務海關總署準備向130名英超球員開刀，追繳逃稅交少咗嘅2.5億鎊（約27.8億港元）稅款。
英國《鏡報》報道，一位前曼聯名將通過現金同銀行借貸方式，喺一個有關電影嘅項目投資咗3350萬鎊，從而避稅減少自己應就薪酬所繳納嘅鉅額稅款。除咗呢位出名球星，仲有包括嚟自包括利物浦、阿士東維拉同布力般流浪等球會嘅129名球員，都透過一間叫Kingsbridge嘅金融顧問公司參與逃稅計畫，總共「走數」達2.5億英鎊。
英國稅務海關總署表明，連同利息及罰金，佢哋正試圖追回至少70%嘅「投資金額」。署方仲咁講：「依家大多數嘅避稅計劃，已經無法達到目的，納稅人搞完一輪之後，可能會繳納比原先更多嘅稅款。」
有專家表示，球員係知道自己喺度逃稅，一名前Kingsbridge員工都話，佢哋啲客戶個個都知道自己嘅投資實際意味住乜嘢。但都有人認為，球員幾乎唔知道自己啲錢畀人點樣運用，Kingsbridge金融顧問公司只顧透過呢種運作，從中賺取鉅額佣金。
Go Go 開波 GOAL DX 策略手遊
贏盡100萬現金獎賞 https://goo.gl/irtKhK
東網體育同你追實體壇每個精彩時刻！
