【東網直播】港超聯　東方龍獅主場誓擒理文

收看直播，請按東網APP頂部的直播ICON；或按以下直播Link： http://tv.on.cc/live　

經過周五（13日）晚一役，本季「中銀人壽香港超級聯賽」冠軍塵埃落定，但名次之爭仍然激烈。周六（14日）下午旺角大球場上演「4哥」東方龍獅鬥理文。兩隊上周於足總盃8強出局，但雙方主帥均表明要力爭上游，絕不妥協！（on.cc東網周六下午5時30分直播）

東方龍獅上仗足總盃雖有般盧先開紀錄，但受傷患困擾及防中迪高初段傷出，結果反負香港飛馬，8強止步。主教練李健和坦言失望︰「我哋實力同飛馬好接近，未去到最後都唔知邊隊贏，臨尾10分鐘連失兩球當然唔理想，但都唔可以抹殺飛馬入球能力強嘅事實。」

和哥寄望球員為前途搏盡

「和哥」又指只剩下3場聯賽，寄望球員落力爭勝取分︰「其實每場比賽贏到，對球員嚟講喺信心同收入方面都係好事，佢哋踢得好將來所得嘅合約同人工待遇都會唔同。無論目標係乜，希望佢哋每場波都盡力爭勝。」是役為東方龍獅季內最後一場主場賽事，球隊上下都希望能勝出漂亮一仗。

上仗足總盃「入球騷」以3比4僅負傑志的理文，表現絕不失禮，教練林慶麟強調球員要保持集中︰「上場鬥志好好，有時踢波就係睇你嘅態度同紀律性夠唔夠。我哋上場犯咗啲微不足道嘅錯，但面對強勁對手就會受到懲罰，希望球員吸取經驗。」「林Sir」更希望球員將上仗的鬥心維持到季尾︰「依家雖然冇嘢爭，都想攞多5至6分，令排名高番一兩位，希望佢哋保持落去！」

英超女旁證登場執法

香港足總跟英超職業裁判員公司（PGMOL）推行合作計劃多年，去年曾派出本地球證赴英執法當地賽事之後，今年則由PGMOL派出曾在英超執法的女職業旁證瑪茜（Sian Massey）來港交流，瑪茜除周六（14日）東方龍獅對理文一仗擔任旁證外，18日葛士寶朋友對愉園的乙組聯賽，以及22日傑志對夢想FC的菁英盃4強，同樣會以旁證身份執法。