東網電視
更多新聞短片
(資料圖片)
香港跳高女神楊文蔚周六於台北田徑公開賽帶來好消息，在女子跳高項目力壓東道主選手，以1米83奪得金牌，亦係Cecilia今年個人最佳成績。
楊文蔚所保持嘅香港紀錄係1米88，咁啱又係喺台北賽事所創，今次重臨福地作賽果然醒神，今年各項賽事個人最佳為1米76，未算太突出，但今次賽事好就好順利，好快就跳過1米80，之後挑戰1米83亦冇問題，當時20位選手僅餘下中華台北選手蔡瀞瑢同佢，對手挑戰失敗，楊文蔚順利封后。
香港隊日前憑陳仲泓贏得男子100米欄銀牌、余顯華贏得男子3000米障礙賽銀牌及呂麗瑤贏得女子100米欄銅牌，連同周六潘幸慧於女子200米銀牌、女子4x100接力銀牌及銅牌、男子4x100銀牌，港隊至今共獲1金5銀2銅。
東網體育FB同你追實體壇每個精彩時刻！
Follow東網體育IG一齊撐本地運動員！
