估中4強組合神主播！泳衣下截滑落爆紅
20180708
東網電視
更多新聞短片
馬凡舒試過行貓步泳衣下截滑落。(互聯網)
即上彩報世盃專頁：http://win.on.cc/football/cup2018/
中國索爆體育主播馬凡舒，最近為中央電視台嘅世盃節目出鏡爆紅，佢喺自己嘅直播平台中，準備預測到法國、比利時、英格蘭同克羅地亞躋身俄羅斯世盃4強，被網民捧為神一般的主播，網友仲起底，搵番佢兩年前行貓步泳衣下截滑落嘅短片贈興添！
馬凡舒喺黑龍江省嘅哈爾濱市出生，4年前做中央電視台《天下足球》開始上位，今年佢主持《豪門盛宴》，一樣吸引大批網民捧場，日前佢喺自己嘅直播平台同網友傾偈，講到4強心水球隊係法國、比利時、英格蘭同克羅地亞，最後神奇命中。
正當馬凡舒因為眼光夠準被捧上天，網友就提大家，千祈唔好睇漏佢嘅顏值同身材，兩年前佢著3點式行貓步，泳衣下截個蝴蝶結畀自己隻手撞甩，搞到乜都畀人睇晒，現場有男觀眾激動到彈起，但咁冇影響馬凡舒嘅星途，反而令佢一夜爆紅，佢仲識得自嘲即是無敵嘅道理：「沒關係，誰愛看誰看。」
Follow東網體育IG一齊撐本地運動員！
東網體育FB同你追實體壇每個精彩時刻！