【港超專版】尚東集團贊助東方龍獅力爭佳績

今季銳意捲土重來的東方龍獅，季前宣布成功覓得尚東控股集團贊助，以便投入更多資源，爭取佳績。尚東控股集團主席郭澤偉相信香港足球有希望：「我哋認識咗東方龍獅已經有一段時間，我認為香港足球係幾有前景嘅。參與同推動足運係既有意義但又好困難嘅事，因為要投入好多資金，所以我哋做咗好多考慮，今後都會同東方龍獅一齊去推動香港足球。」■文：陳焌鏗

盼提升公民參與度

人們常說：「投資香港足球是一件只有付出，沒有回報的事。」即使如此，郭澤偉卻認為每件事都是一體兩面：「香港足球目前都係發展階段，係一個非營利嘅經營模式。隨着體育發展嘅地位不斷提高，公民參與度不斷增加，相信不久將來會由負數變為正數。」他又指要為香港足球打好基礎：「喺企業嘅角度嚟講，肯定好希望賺到錢，但係有能力嘅時候我哋可以攞一部分資源出去，做一啲前期嘅鋪墊，呢方面我覺得係大家都需要做嘅嘢。」

球會要長遠發展，培訓年輕球員、建立梯隊是不二法門，身兼東方龍獅副會長的郭澤偉，期望東方龍獅能走得更遠：「我哋喺簽球員嘅時候，會注重整體水平嘅提升，我哋亦會加強經驗球員同年輕球員嘅銜接，因為我哋唔係打1年、3年，係打5年、10年，甚至更長、更遠。」

游永強︰可持續理念與球隊相近

尚東控股集團選擇與東方龍獅合作，全因理念接近。球隊今季有多名年輕球員回歸，副主席游永強透露年輕球員為計劃重點：「球隊喺長遠嚟講要有個可持續發展計劃同執行方案，年輕球員回歸係我哋計劃嘅主要部分，我哋唔會為培訓年輕球員而放棄成績，所以我哋嘅陣容會係『新』同『老』結合。」

開展「ProjectE」　保送梁祐維赴葡學法

為培育更多有潛質的年輕球員走上職業路，東方龍獅今季啟動了「ProjectE」計畫，由球會保送表現優秀的年輕球員到外國球會學師，首位獲保送到葡萄牙學法的球員是外號「一仔」、年僅16歲的中堅梁祐維。他上季隨南華征戰港甲，在出發前往葡萄牙前，一直跟隨東方龍獅一隊操練，而「一仔」學法的球會為歐陽耀冲曾效力的洛里什。

對此，東方龍獅副主席游永強表示：「球隊開始保送年輕球員到外國，希望佢哋兩三年之後返嚟，對球會有新嘅衝擊，配合我哋整體嘅計劃。」他續指：「暫時我哋同葡萄牙一間球會有聯盟協議，我哋希望做多啲，我哋睇緊英國、法國球會嘅合作計劃，但係依家都係處於比較初步嘅階段，希望兩、三年可以進一步落實。」