東網電視
更多新聞短片
(Getty Images)
好後衞難求，頂級大球會近年要有好成績，條防線有甩漏就肯定唔會掂！就好似今季新加盟波圖嘅巴西後衞艾達米列達奧，嚟到葡超只係僅僅半年，就試過有4個月獲選為葡超每月最佳中堅，自然成為咗歐洲列強爭搶目標。
根據西班牙《阿斯報》爆料，原來呢位21歲新星已經同西甲班霸皇家馬德里傾掂數，會同「銀河艦隊」簽約到2025年，而即使波圖唔想放人，但皇馬打算會畀出艾達米列達奧嘅買斷合約價5,000萬歐元，可以見到佢哋有幾大決心。
事實上，皇馬依家嘅一對正選中堅華拉尼同沙治奧拉莫斯，當中後者都年紀唔細，要開始搵定接班人根本唔出奇。再考慮到之前已經傳過包括曼聯、利物浦同車路士都對呢位能兼任右閘嘅高質小將感興趣，依家皇馬肯畀高價搶人，根本絕對唔出奇。
東網體育FB同你追實體壇每個精彩時刻！
支持本地運動員，一齊去「睇體」！
